കേരളഫാര്‍മര്‍

ഇവിടെ മലയാളം കീ ബോര്‍ഡ്‌ വിന്യാസം ചര്‍ച്ചകള്‍ ചൂടു പിടിക്കുമ്പോള്‍ 12 കീകള്‍ ഉപയോഗിച്ച്‌ ഒരു കൊച്ചു മൊബൈലില്‍ എല്ലാം ടൈപ്പ്‌ ചെയ്യാം. മെസ്സേജും അയക്കാം. പക്ഷെ കിട്ടുുന്ന ആളിന് മലയാളം ഇല്ലെങ്കില്‍ എല്ലാം ചതുരകട്ട ആയി മാത്രമെ കാണുകയുള്ളു. 1 ഒരു മലയാള അക്ഷരത്തോടൊപ്പം ഞെക്കിയാല്‍ =കൂട്ടക്ഷരങ്ങള്‍ ലഭ്യമാക്കാം 2abc ഞെക്കിയാല്‍ = അ, ആ, ഇ, ഉ, ഊ,ഋ വരെയും 3def ഞെക്കിയാല്‍ = എ, ഏ, ഐ, ഒ, ഓ, ഔ വരെയും 4ghi ഞെക്കിയാല്‍ = ക, ഖ, ഗ, ഘ, ങ വരെയും 5jkl ഞെക്കിയാല്‍ = ച, ഛ, ജ, ത്ധ, ന വരെയും 6mno ഞെക്കിയാല്‍ = ട, ഠ, ഡ, ഢ, ണ വരെയും

ഇത്രയും എഴുതി വെച്ചത്‌ താഴെക്കാണുന്ന ഈ മെയില്‍ സന്ദേശം കാരണം പൂര്‍ത്തിയാക്കാത്ത പോസ്റ്റായിടുന്നു.

സുഹൃത്തുക്കളെ
ഇപ്പോള്‍ നോക്കിയയുടെ ൧൧൧൦i , 6030 എന്നീ ഹാന്‍ഡ് സെറ്റുകളില്‍ മലയാളം
ഇന്റര്‍ഫെയ്സും
യുണികോഡില്‍ മലയാളം മെസേജിംഗ് സൌകര്യവുമുണ്ട് .
യുണികോഡ് സപ്പോര്‍ട്ടുള്ള മോബൈല്‍ ഉള്ളവര്‍ക്ക് എന്റെ മൊബലില്‍ നിന്നും
മലയാളത്തില്‍ സന്ദേശം അയക്കുവാീന്‍ കഴിയും

സ്നേഹപൂര്‍‌വ്വം
ജഗന്നാഥ്.ജി - ഈ പേജില്‍ വിശദമായി കൊടുത്തിട്ടുണ്ട്‌ ,ഇത് മറ്റൊരു ലിങ്ക്

————————————————————————————————————

മലയാളത്തില്‍ മെയിലുകള്‍ അയക്കുവാനുള്ള എന്റെ മൊബൈല്‍: 9495983033 (നോക്കിയ 3110)

“സ്വതന്ത്ര മലയാളം ബ്ലോഗിങ്ങ്‌” സുഹൃത്തുക്കളെ,

2007 സെപ്റ്റംബര്‍ 26 ന് തിരുവനന്തപുരത്തുവച്ച് നടന്ന “മലയാളഭാഷാ കമ്പ്യൂട്ടിങ്ങ് : അന്വേഷണങ്ങള്‍, കണ്ടെത്തലുകള്‍, സാധ്യതകള്‍” എന്ന സെമിനാറില്‍ സ്വതന്ത്ര മലയാളം കമ്പ്യുട്ടിങ്ങ് സംഘവും പങ്കെടുത്തു. അതിന്റെ   വീഡിയോ ദ്ര്ശ്യം  ഇവിടെ ലഭ്യമാണ്. ഇത്‌ മൊബൈലില്‍ പകര്‍ത്തിയതാണ്.

അരുണ്‍ സ്വതന്ത്ര മലയാളം കമ്പ്യുട്ടിങ്ങിന്റെ തുടക്കത്തെക്കുറിച്ചും മലയാളം കമ്പ്യുട്ടിങ്ങില്‍ സ്വതന്ത്ര സോഫ്റ്റ് വെയര്‍ ഉപയോഗിക്കേണ്ടതിന്റെ പ്രാധാന്യത്തെക്കുറിച്ചും സംസാരിച്ചു. സുരേഷ്, smc യെക്കുറിച്ച് സംസാരിക്കുുകയും സോഫ്റ്റ് വെയറുകള്‍ പരിചയപ്പെടുത്തുകയും ചെയ്തു.

ടെക്നിക്കല്‍ അല്ലാത്ത ആളുകളുടെയിടയിലേക്ക് സ്വതന്ത്ര മലയാളം കമ്പ്യുട്ടിങ്ങ് എത്തിക്കാന്‍ ഈ യോഗം പ്രയോജനപ്പെട്ടു. പ്രത്യേകിച്ചും പൂര്‍ണമായും സ്വതന്ത്ര സോഫ്റ്റ് വെയറിലേക്ക് മാറിക്കഴിഞ്ഞ എനിക്കും, ഇതിലേയ്ക്ക്‌ മാറുവാന്‍ തയ്യാറെടുക്കുന്ന അങ്കിള്‍ എന്ന ബ്ലോഗര്‍ക്കും പങ്കെടുക്കുവാന്‍ അവസരം ലഭിക്കുകയുണ്ടായി.

സ്വതന്ത്ര സോഫ്റ്റ് വെയറിനെ പ്രധിനിധീകരിച്ച് സ്പേസും www.space-kerala.org സ്വതന്ത്ര മലയാളം കമ്പ്യുട്ടിങ്ങ് സംഘവും http://fci.wikia.com/wiki/SMC ഉം മാത്രമാണ് പങ്കെടുത്തത്.

ഇതിന്റെ തുടര്‍ സെമിനാറുകള്‍

• 9-10-2007 - M.G University കോട്ടയം
• 18-10-2007 - കോഴിക്കോട് സര്‍വ്വകലാശാല
• 26-10-2007 - കേരളവര്‍മ്മ കോളേജ്, തൃശ്ശൂര്‍
• 6-11-2007 - അന്താരാഷ്ട്ര പുസ്തകോത്സവ വേദി, കോഴിക്കോട്
• 9-11-2007 - കണ്ണൂര്‍ സര്‍വ്വകലാശാല

എന്നിവിടങ്ങളില്‍ നടക്കും. ഇതിലേക്കും smc ക്ക് ക്ഷണം ലഭിച്ചിട്ടുണ്ട്. സെമിനാറുകളില്‍ smc യുടേയും സ്വതന്ത്ര സോഫ്റ്റ് വെയര്‍ ഉപയോക്താക്കളുടേയും പങ്കാളിത്തം ഉറപ്പാക്കേണ്ടത് ആവശ്യമാണ്.

കൂടുതല്‍ വിവരങ്ങള്‍ കമെന്റുകളായി പ്രതീക്ഷിക്കുന്നു.

ഒന്നാമത്തെ ആശ്വാസം വൈറസുകള്‍ തന്നെ. ഏതെല്ലാം പ്രശ്നങ്ങളാണ് ഈ വൈറസുകള്‍ വരുത്തിവെയ്ക്കുന്നത്‌. ഒരു ഐ.ടി പ്രൊഫഷണലല്ലാത്ത ഒരു പൗരന് ഈ മേഖലയില്‍ എന്തെല്ലാം പ്രശ്നങ്ങളാണ് നേരിടേണ്ടിവരുക. അങ്കിള്‍ എന്ന ഉപഭോക്താവിന് വൈറസ്‌ കാരണം തന്റെ സിസ്റ്റം റീ ഫോര്‍മാറ്റ്‌ ചെയ്യേണ്ടി വന്നു. ആദ്യം വന്നു നോക്കിയ ആള്‍ പറഞ്ഞത്‌ സിസ്റ്റത്തിനകത്ത്‌ എന്തോ അടിച്ച്‌ പോയി എന്നും അത്‌ മാറ്റി വെയ്ക്കണം എന്നുമാണ്. അദ്ദേഹം പുതിയ പാര്‍ട്ടും വാങ്ങി. അതിന്റെ കാശ്‌ പോയത്‌ മെച്ചം. അദ്ദേഹം സേവ്‌ ചെയ്തിട്ടിരുന്ന എല്ലാം നഷ്ടപ്പെട്ടു. പലരും പറയും വേണ്ടതൊക്കെ ബാക്കപ്പ്‌ ചെയ്താല്‍ മതി. അതെല്ലാം റീ സ്റ്റോര്‍ ചെയ്യാം എന്നൊക്കെ. പക്ഷെ സിസ്റ്റം നന്നാക്കുവാന്‍ വരുന്നവര്‍ എല്ലാം നീക്കം ചെയ്തേ ചെയ്യുകയുള്ളു. വര്‍ഷങ്ങളായി എത്രപാവശ്യം എന്റെ സിസ്റ്റം ഫോര്‍മാറ്റ്‌ ചെയ്തു എന്ന്‍ എനിക്കുതന്നെ അറിയില്ല. കാരണം വൈറസ്‌ തന്നെ. വൈറസുകള്‍ സമ്മാനിക്കുന്നവരാണോ ആന്റി വൈറസുകളും വിറ്റ്‌ കാശാക്കുന്നത്‌ എന്ന്‍ സംശയിക്കേണ്ടിയിരിക്കുന്നു.

രണ്ടാമത്തെ പ്രശ്നം മൈക്രോസോഫ്‌റ്റിന്റെ ലൈസന്‍സ്‌ തന്നെ. ഓഫീസുകളില്‍ സിസ്റ്റം ഉപയോഗിക്കുന്നവര്‍ക്ക്‌ അവ ലൈസന്‍സ്‌ ഉള്ളവ തന്നെ ആയിരിക്കാം. എന്നാല്‍ ഗാര്‍ഹിക ഉപഭോക്താക്കളാണ് ഇവിടെയും കബളിപ്പിക്കപ്പെടുന്നത്‌. മൈക്രോസോഫ്‌റ്റിന്റെ ലൈസന്‍സ്‌ ലഭ്യമാക്കുവാന്‍ കഴിയാത്തവര്‍ സിസ്റ്റം ഇന്‍സ്റ്റാള്‍ ചെയ്യുകയും ഉപഭോക്താവ്‌ കബളിപ്പിക്കപ്പെടുുകയും ചെയ്യുന്നു. ആനയെവാങ്ങാമെങ്കില്‍ ഒരു തുറട്ടിയും തീര്‍ച്ചയായും വാങ്ങാന്‍ കഴിയും. സിസ്റ്റം വാങ്ങി ഇന്‍സ്റ്റാള്‍ ചെയ്ത്‌ ഇന്റെര്‍നെറ്റ് ‌കണക്‌ഷനുംഎടുത്ത്‌ ബ്ലോഗുകളില്‍ അഡിക്ട്‌ ആയിക്കഴിയുമ്പോഴാണ് അറിയുന്നത്‌ മൈക്രോസോഫ്‌റ്റ് ‌പിടികൂടിയാല്‍ വന്‍ തുകയാണ് ഈടാക്കുക എന്ന്‍. എന്നും മനസിലെ കുറ്റബോധം വേട്ടയാടിക്കൊണ്ടേ ഇരിക്കും. അതിനൊരു പരിഹാരം “സ്വതന്ത്ര മലയാളം കബ്യൂട്ടിങ്ങ്‌”ആണ് എന്ന് പലര്‍ക്കും അറിയാം. സിസ്റ്റം വില്‍ക്കുന്നവരുടെ പേരില്‍ നടപടി എടുക്കുന്നതിനു പകരം ഉപഭോക്താവിനെയാണ് ഇവിടെയും ക്രൂശിക്കുന്നത്‌. വില്‍പനക്കാര്‍ കുറെ സിസ്റ്റം വിറ്റ ശേഷം ആ സ്‌ഥാപനം അടച്ച്‌ പൂട്ടി പുതിയ പേരില്‍ വേറൊരെണ്ണം തുറക്കും. എല്ലാപേരും ഇപ്രകാരം ലൈസന്‍സില്ലാത്ത സിസ്റ്റമാണ് ഉപയോഗിക്കുന്നതെന്ന്‍ നമ്മെ ബോധ്യപ്പെഠുത്തുകയും ചെയ്യും. ലിനക്സിന് ലഭ്യമായ സോഫ്‌റ്റ്‌ വെയറുകള് കുറവാണ്, ഉപയോഗിക്കുവാന്‍ അറിയില്ലല്ലോ, വിപണിയില്‍ കാശ്‌ കൊടുത്ത്‌ കിട്ടുന്ന സേവനങ്ങളല്ലെ മെച്ചം എന്നൊക്കെ പലതും നിങ്ങളുടെ മനസിനെ അലട്ടിക്കൊണ്ടേയിരിക്കും. എന്നാല്‍ അത്‌ അടിസ്‌ഥാനരഹിതമാണ് എന്ന്‍ ഇപ്പോള്‍ ലഭ്യമായ കണക്കുകളില്‍ നിന്നും വ്യക്തമാണ്.

ഒരു മണ്ണെണ്ണ ചിമ്മിനി വിളക്കിന്റെ വെളിച്ചത്തില്‍ പുസ്തകം വായിച്ച്‌ പഠിച്ച്‌ വന്നവര്‍ പോലും ലിനക്സിലേയ്ക്ക്‌ വരുവാന്‍ എന്നെപ്പോലെ ഭയന്നിരിക്കുന്നവരാകാം. നിങ്ങള്‍ക്ക്‌ തെറ്റി ഞാന്‍ ലിനക്സിലേയ്ക്ക്‌ പൂര്‍ണമായും മാറിക്കഴിഞ്ഞു. അതിന്റെ പരിമിതികള്‍ സഹിക്കുവാനും പൊറുക്കുവാനും ഞാന്‍ തയ്യാറാണ്. അതി സമര്‍ത്‌ഥരായ സോഫ്റ്റ്‌ വെയര്‍ എഞ്ചിനീയര്‍മാര്‍ നമുക്കില്ലെ പിന്നെന്തിന് നാം ഭയക്കണം. പല കാരണങ്ങള്‍ കൊണ്ടും പലരും സ്വതന്ത്ര മലയാളം കബ്യൂട്ടിങ്ങിന് തടസം നില്ക്കുന്നത് ഖേദകരം തന്നെ. ഇപ്പോഴെ നിങ്ങള്‍ ലിനക്സിലേയ്ക്ക് ‌മാറിയില്ലെങ്കില്‍ നാളെ ഈ മേഖലയിലേയ്ക്ക്‌ വരുന്ന പുതു തലമുറ സ്കൂളുകളില്‍ പഠിച്ചത്‌ ലിനക്സ്‌ ഓപ്പറേറ്റിംഗ് സിസ്റ്റം ആണെന്ന്‍ ഓര്‍ക്കണം. സ്വാര്‍ത്‌ഥ തല്‍പ്പരര്‍ ലിനക്സിനെ താഴ്‌ത്തിക്കെട്ടുുവാന്‍ ശ്രമിച്ചാല്‍ അത്‌ അവരുടെ അറിവില്ലായ്മ മാത്രമായിരിക്കും.

ഉബുണ്ടു എന്ന വാക്ക്‌ പരതിയാല്‍ ചെന്നെത്തുക നിങ്ങള്‍ക്ക്‌ സൗജന്യമായി സി.ഡി ആഴ്ചകള്‍ക്കുള്ളില്‍ അയച്ചുതരുന്ന പേജിലായിരിക്കും. പ്രതേകിച്ചും അടുത്ത മാസം ഉബുണ്ടുവിന്റെ പുതിയ പതിപ്പ്‌ ഇറങ്ങുകയാണ്.

ഞാന്‍ കബ്യൂട്ടര്‍ ലോകത്ത്‌ സ്വതന്ത്രന്‍ നിങ്ങളോ?